Орысқара шежіресі

Шымыр-Шоқай (Орысқара) — Ұлы жүз құрамындағы іргелі Дулат тайпасының Шымыр руынан таралатын белді ата.
Шежіре таралымы мына ретпен өрбиді: Тайпа: Дулат Ру: Шымыр Ата: Шынқожа - Қобыланды - Алдияр - Сүгірәлі (Шоқай). Шоқайдан үш ұл туады: Төлеміс (Ұрысқара), Тілеміс (Құлатай), Кенжеқармыс (Жиен)
Халық арасында Төлеміс есімінен гөрі оның Орысқара деген лақап аты кеңінен танылып кеткен. Сондықтан бұл тармақ ел ішінде «Шоқай-Орысқара» немесе «Шымыр-Шоқай» деп қатар аталады.
Тарихи мекені мен қонысы. Негізгі аймағы: Оңтүстік Қазақстан өңірі. Нақты жерлері: ХІХ ғасыр мен ХХ ғасырдың басында бұл ру өкілдері негізінен Сырдария облысы, Шымкент уезіне қарасты Боралдай және Қошқарата болыстарының аумағын мекендеген.
Географиясы: Қазіргі Түркістан облысының Бәйдібек, Түлкібас, Төле би аудандары мен Жамбыл облысының біршама аймақтарына таралған.